Urbanismo, Licenzas e Vivenda
Áreas
Rúa Primavera, nº 1
Ourense (32005)
Teléfono: 988 366 235
Horario: Atención ao público de 9 a 14 horas
O Instituto de Ciencias da Construción Eduardo Torroja, dependente do Consello Superior de Investigacións Científicas (CSIC) e Maderia. Sociedade Española da Madeira poñen como exemplo de rehabilitación e defensa do patrimonio arquitectónico o albergue de peregrinos da cidade, ao entender que nel se defenden as ideas dunha rehabilitación económica e ecoloxicamente sostible á vez que se defende o patrimonio cultural da cidade.
Técnicas da Oficina de Rehabilitación do Concello de Ourense achegaranse aos barrios para informar das axudas ás que poden optar as persoas que desexen realizar proxectos de rehabilitación de edificios e vivendas nas áreas de rehabilitación (ARRU) da cidade. Atenderán o público o primeiro e o segundo mércores de cada mes no Centro Municipal La Molinera, na rúa do Abrevadoiro, 2, para os barrios da ARRU do Polvorín, A Carballeira e As Camelias. O terceiro e o cuarto mércores de cada mes estarán no local da Asociación Veciñal dos Rosais, na rúa da Serra Martiñá, número 44, baixo, para informar sobre a ARRU Serra San Mamede, Cruceiro Quebrado e A Inmaculada. Nos dous casos, de 10 a 14 horas, coa posibilidade de adaptar o horario en función da demanda.
A xunta de goberno local do Concello de Ourense aprobou na súa sesión desta semana as bases reguladoras da convocatoria pública para a concesión de subvencións para a rehabilitación de edificios e vivendas nas Áreas de Rexeneración e renovación urbanas (ARRU) do Concello de Ourense, dotadas cun orzamento total de 1.548.825,39 euros. As axudas darán apoio a intervencións que se desenvolvan nas áreas de rehabilitación do centro histórico (16ª fase), cun orzamento de 350.825,39 euros, O Polvorín, Camelias, A Carballeira (5º fase) 910.000 euros, Seixalbo (11ª fase) 108.000 euros e San Mamede-Cruceiro Quebrado 180.000 euros. Proximamente abrirase o prazo para que as persoas interesadas podan presentar as súas solicitudes.
O Boletín Oficial da Provincia publica o 9 de outubro as bases xerais para as convocatorias de subvencións do custo económico da realización dos informes da Inspección Técnica de Edificios
O Concello de Ourense contará con 14 novas vivendas de protección oficial destinadas a familias en risco de exclusión social. Grazas ao Plan Rehavita da Xunta de Galicia, que achega case 2 millóns de euros para estes inmobles, as familias máis necesitadas poderán contar con vivendas con todas as comodidades posibles a alugueres alcanzables. En total, hai 8 novas vivendas na rúa Alejandro Pedrosa que se suman ás rehabilitacións na Rúa Cervantes 14 e Rúa do Vilar 1, 3 e 5.
O Concello informa sobre a convocatoria para a anualidade 2017 de subvencións das ARRUs (antes ARIs) do Casco Histórico de Ourense- Fase 14; Polvorín, Camelias, Carballeira- Fase 3 e Serra San Mamede, Cruceiro Quebrado e A Inmaculada-Fase 1.
Estas bases teñen por obxecto establecer o réxime xurídico que vai regular a tramitación e concesión das axudas municipais para subvencionar parcialmente o custo da redacción do Informe de inspección técnica de Edificios para aqueles propietarios que demostren a escaseza de recursos económicos para afrontar os gastos derivados da súa redacción.
O Boletín Oficial da Provincia publicou o 19 de decembro de 2016 as bases reguladoras do Programa de Vivendas Baleiras, dentro do Plan Galego de Rehabilitación, Alugueiro e Mellora do Acceso á Vivenda 2015 – 2020 (Plan RehaVIta)
O Concello de Ourense, a través do seu Servizo de Rehabilitación, VPP e PERIs, está a tramitar 44 axudas noutros tantos inmobles pertencentes ás tres Áreas de Rexeneración e Rehabilitación Urbana (ARRUs) da cidade: a de O Polvorín – Camelias - A Carballeira, Seixalbo e centro histórico.
