Praza Maior 1 988 388 100

Atopar
Buscador Concello de Ourense

Medio Ambiente

Áreas

O alcalde de Ourense, Gonzalo Pérez Jácome, visitou esta mañá as obras de acondicionamento dun parque infantil, executadas polo Concello na localidade de Vilar de Astrés. Con esta actuación, a veciñanza dispón dun novo espazo de lecer, moi demandado, nas proximidades do local da asociación veciñal, nuns terreos municipais que se atopaban sen uso. O proxecto, cun orzamento de 48.392,16 euros dota unha nova área infantil de 398 metros cadrados de superficie, con pavimento de caucho absorbedor de impactos, dotada con diferentes elementos para o lecer da cativada, máis de 35 nenos e nenas.

A zona conta cunha tirolina de madeira de 25 metros, unha maxitorre de dúas alturas cunha randeeira (columpio) mixta, 3 balancíns, un con forma de tucán, outro con motivos relacionados co fútbol e outro con forma de elefante e unha torre barco cun panel de xogos e dous temóns. Completan o conxunto unha casiña infantil e unha pirámide de trepa, de 3,50 metros de altura fabricada con corda anti-vandálica e conectores de aluminio, situada sobre un areeiro de 55 m2 .

Tamén na localidade de Vilar de Astrés, o Concello realizou obras de acondicionamento e mellora da Praza de Vilar, un espazo municipal situado no inicio do núcleo de Vilar de Astrés, que dá acceso a vivendas unifamiliares na zona desde a OU-5026. A actuación consistiu en delimitar e pavimentar espazos peonís e de circulación rodada, coa finalidade de humanizar os espazos e mellorar a pavimentación, xunto coa mellora e adecentamento do acceso á fonte lavadoiro público situado na parte inferior. Tamén se instalaron novos bancos. O proxecto neste caso tiña un orzamento de 34.926,75€.

Na mesma zona, o Concello executou un terceiro proxecto, consistente na rexeneración de firme na estrada que dá acceso ao núcleo de Sartédigos, cun investimento de 48.132,88 euros. Neste caso, o obxectivo foi mellorar a vía que dá acceso a este núcleo desde a estrada OU-0526 para facilitar o acceso aos seus domicilios dos habitantes da zona.

Con motivo desta visita, o alcalde achegouse tamén até as obras que se están realizando tanto no punto limpo de Vilar de Astrés como na ampliación e mellora das instalacións da canceira municipal.

As tres obras forman parte do plan de investimentos no perímetro rural +RURAL do Concello de Ourense.

O proxecto GeoAtlantic constatou que a cidade de Ourense conta cun grande potencial en materia de xeotermia. Para Gonzalo Pérez Jácome “o proxecto constatou que a nosa cidade, Ourense, mostra un gran potencial en materia de enerxías renovables e en particular do uso da xeotermia para usos calefactados ou de refrixeración de vivendas e empresas”, sinalou esta mañá na apertura dunha xornada divulgativa sobre este proxecto internacional de promoción da xeotermia como fonte de enerxía.

O Concello de Ourense e a Asociación de comerciantes da Praza de Abastos colaboran no desenvolvemento dunha campaña de sensibilización sobre o aceite usado nos fogares, un material que ao marchar polo desaugadoiro pode provocar problemas de cheiros e avarías como custos de xestión nas depuradoras pola necesidade de tratamentos específicos.

A xunta de goberno local do Concello de Ourense aprobou na súa xuntanza celebrada na mañá de onte o expediente para contratar, mediante procedemento aberto, o servizo de mantemento e mellora das zonas verdes públicas da cidade. A el destinará unha achega de case 1,9 millóns de euros anuais, coa finalidade de acadar unha importante mellora do servizo, que incorporará 12 persoas e dúas brigadas de intervención rápida.

O Concello de Ourense construirá no barrio da Ponte o parque público urbano máis grande da cidade, dotado con piscinas, zonas deportivas e espazos de lecer para persoas de todas as idades. O alcalde de Ourense, Gonzalo Pérez Jácome, o concelleiro Telmo Ucha e o arquitecto Luis Pérez de Juan presentaron esta mañá no Concello o anteproxecto das obras, que o Concello prevé licitar o próximo mes de xaneiro.

O Concello de Ourense está a colocar, nas zonas verdes da cidade, un total de 13.500 exemplares de plantas de inverno coincidindo co cambio de estación.

O Concello de Ourense rematou, coa limpeza da estatua de El Ángel Caído -de Francisco Asorey, 1951- no parque de San Lázaro, o seu plan de limpeza Cultura na rúa para as obras culturais da cidade.

O Concello de Ourense encargará a realización dun estudo sobre o estado da masa arbórea dos parques máis concorridos da cidade para garantir a súa total seguridade. O alcalde anunciou esta medida logo de ter coñecemento, esta mañá, da caída dun tileiro no Parque de San Lázaro.

A Xunta de Galicia e o Concello de Ourense colaborarán na limpeza de máis de 15.000 parcelas rurais de Ourense en risco de incendio.

O Concello de Ourense iniciou o plan de limpeza das obras culturais das rúas de Ourense.