Praza Maior 1 988 388 100

Atopar
Buscador Concello de Ourense

Infraestruturas

Áreas

O muro presenta na actualidade parte do seu alzado derruído, supondo un compromiso para a seguridade do camiño. Existe un tramo do mesmo sostido por un muro de formigón, de irregular execución, duns 23 m. de lonxitude e de espesor e altura variables. O devandito muro de formigón carece de asento, presentado un estado estrutural de difícil avaliación xa que está executado sobre o primitivo muro de cachotería existente.

Pode supoñerse que a carencia de sistemas de drenaxe e impermeabilidade do muro ocasionou parte do derrubamento lindeiro no preexistente de cachotería, así como o deslavado da súa superficie de asento. É por iso que se acometerá a demolición do mesmo, debido a que á vista da súa situación pode estimarse a existencia dun perigo de derrubamento en caso de precipitación e empuxes horizontais na súa faciana exterior, motivados pola auga, fronte aos cales carece de capacidade resistente.

Amais da reconstrución do muro, acometerase a reparación da pavimentación do camiño, actualmente en formigón en masa, con tramos moi crebados e deteriorados, optando por unha solución duradeira e integrada mediante o uso de formigón coloreado, tentando a súa máxima integración ambiental á contorna no cal se empraza, a semellanza das tonalidades do lugar.

O orzamento desta obra é de 45.560,66 euros.

O Concello de Ourense aprobou, en sesión plenaria do 7 de maio, apoiar unha declaración institucional en favor do proxecto de construción dunha estación que centralice o transporte de mercadorías ferroviarias no polígono de San Cibrao.

A rúa Lamas Carvajal permanecerá pechada ao tráfico dende o mércores, 12 de maio, para proceder á renovación do pavimento danado nesa zona.

O Concello de Ourense iniciará o vindeiro luns, día 10 de maio, obras de adecuación do acceso norte aos hortos e ao Parque de Montealegre, desde a rúa do Carrabouxo, cun investimento de 31.861,85€, e un prazo de execución de 4 semanas.

O goberno municipal do Concello de Ourense proporalle ao Pleno do Concello unha declaración de apoio ao proxecto de construción dunha estación que centralice o transporte de mercadorías en San Cibrao, que impulsa a asociación de empresarios deste polígono industrial.

Pasarela de San Francisco

Con motivo das probas que se están realizando co tren laboratorio do Administrador de Infraestruturas Ferroviarias (ADIF) dentro das actuacións do acceso da alta velocidade a Ourense, o vindeiro martes, 13 de abril, a pasarela peonil que cruza sobre as vías á altura da Estación de San Francisco -e que conecta as rúas da Serra Martiñá e de Pena Trevinca- permanecerá pechada entre as 8:00 e as 20:00 horas por motivos de seguridade.

Pregámoslle á cidadanía que desculpe as molestias ocasionadas e realice o traxecto por itinerarios alternativos, ben a través do parque das Zapatillas o a través da rúa de Ramón Puga.

Rúa de Castro Canseco

O Concello de Ourense realizará desde o luns, 22 de marzo, actuacións de mantemento do firme en tres rúas do barrio do Couto: Castro Canseco, Mateo de Prado e Entroido.

A Concellería de Infraestruturas do Concello de Ourense inicia esta semana obras de mellora en diferentes puntos da cidade.

Rúa Luís Trabazos

O Concello de Ourense comezou hoxe as obras de conservación e mantemento das infraestruturas viarias municipais con diversas actuacións na rúa Luís Trabazos, no barrio das Lagoas.

O Concello inicia este xoves, 18 de febreiro, os traballos de reposición de firme nas rúas Álvaro Cunqueiro e Ramón Puga, na contorna do Complexo Hospitalario de Ourense.